加入ENG推銷課程及美容  青年當街跪父求開單

2013-01-28 (蘋果日報)

加入ENG推銷課程及美容  青年當街跪父求開單

【本報訊】旺角一間曾被警方搜查的公司ENG,近期再度活躍。多名家長致電本報求助,指子女自加入ENG成為營銷商後,性情大變,甚至在彌敦道向父親下跪 哭叫「我唔要面子唔要尊嚴啦,你幫我買呢張單」,要求父親購買美容療程。

警曾搜查拘捕9人

警方2011年9月曾搜查旺角道一號商業中心11樓ENG,並在行動中拘捕6男3女。警方發言人指,被捕人士於去年3月獲釋,有關案件仍在調查中。
本報自2010年起陸續接獲有關ENG的投訴,近期個案激增,兩個月就有五宗,投訴者包括不少家長。ENG營銷商主要推銷HKUE(亞洲管理教育中心)的英語課程,以及La Culla Spa(娜古拉美容修身堂)的美容療程。
家 長陳先生指,其就讀嶺南大學副學士的女兒,兩月前經大學朋友介紹成為ENG營銷商;有一晚,女兒於凌晨1時帶一名陌生男子回家,向父母拿錢報課程,「我個 女話個男仔係佢ENG嘅組長,差一張單佢就可以升級。課程要萬六蚊,希望我哋可以幫佢。我生咗佢咁耐都未見過佢咁堅決同心急」。陳先生拒絕後,女兒轉到其 大姊家求助,亦遭拒絕,陳先生隨後往屯門警署報案。
另一名家長陳先生指,其兒子加入ENG後,邀請他到美容中心購買1.6萬元的美容療程,陳先 生 赴會但堅拒付款,離開時兒子追着他,在彌敦道向他下跪,哭喊着說:「我唔要面子唔要尊嚴啦,你幫我買呢張單,你唔買我會死㗎……我係你個仔你都唔撐我。」 陳先生指兒子完全是一反常態:「我冇幫到佢買。如果今日幫咗佢畀呢萬六蚊,下次佢嚟叫我畀錢,話爭少少就可以升副經理,咁點搞?」
家長李先生 (化 名)表示,其中五畢業的兒子,原本在食肆擔任學徒,「自去年10月底開始見到佢早出晚歸,我先知佢轉咗工。有時佢返工返到3、4點,問佢做乜佢話係同人傾 偈」。轉工後父子溝通越來越少,及後兒子叫李先生購買1.3萬多元的中醫美容療程,李先生不希望傷害父子關係而答應,「之後喺佢銀行月結單見到,佢之前做 學徒嘅兩萬幾蚊積蓄冇晒,仲話上個月冇糧出,佢到依家都唔肯同我透露財政狀況」。

ENG:冇強迫購買產品

ENG透過律師行回覆本報指,該公司招收獨立營銷商並提供銷售培訓,絕對沒有強迫他們購買任何產品或服務,他們購買前也有進行錄音,以保證營銷商明白有關 條款;所推銷的課程或服務,商戶本身有其退款政策;該公司也否認主動建議及帶領營銷商前往貸款。
明 愛向晴軒智慧理財及債務輔導服務主任翁麗萍指, 當子女要求父母購買產品或服務時,「家長好多時為咗唔影響同仔女關係會就範」。她呼籲家長付費前應先了解產品或服務內容,並向子女多提問不同問題,「叫佢 哋諗吓到底間公司係點賺錢」;但不排除有些青年「唔係佢哋自己唔識諗,而係喺同輩壓力之下屈服」。

ENG與多間公司關係密切

【特稿】
去 年3月警方釋放有關被捕人士,同一個月,這裏成立了一間新公司「Excel Nature Group Limited」,與原有公司「Education Net Limited」,雖為兩間獨立公司,但老闆和地址都相同,連業務名稱也同為「EN Group」;而相關公司的關係千絲萬縷(見上圖)。
在電梯口可見,該公司的玻璃門,全貼上磨砂紙,從外無法看見內裏情況。門外有保安員把守,出入需要拍卡或登記。記者所見,該公司進出者眾多,且多是年約20歲上下的年輕人,當中不少人西裝骨骨。ENG負責人拒絕接受訪問。
《蘋果》記者

副學士後悔借錢買課程

【債務纏身】
今年19歲、現就讀理大副學士的林先生(化名),在剛過去的暑假,透過交友程式SKOUT結識了一名女網友。該女網友指有工作介紹,邀請他到旺角道ENG公司面試。「我公開試考得唔好,入唔到大學,但佢就同我講呢度可以實踐夢想,仲有好好發展機會」。林說。
林 指,該公司的樓下,晚上泊滿大批名車,「個Leader(組長)同我講,依家有樓有車都喺呢間公司搵番嚟,佢哋仲話順路,開車送我返屋企」。他表示,當 時感覺「好似返咗教會,似喺一個大家庭入面咁」。最後他被說服購買課程,由公司顧問帶他前往一間叫「栢力香港投資」的公司借貸3.6萬元,「佢哋同我講, 呢度好似大學貸款咁,放心冇問題」。
林借錢後,他的上線並無為他安排任何工作,反要求他簽字成為自僱人士,「佢叫我諗吓有冇啲親朋戚友,可以將咁 好嘅美容療程同英文課程介紹出去俾人識。叫我將小學老師到大學同學同屋企人列出嚟打電話」。

警:告佢哋唔入

林帶了6位朋友到ENG,有兩位朋友付費,「我嗰刻先發覺自己都係俾人用同一手法叫上嚟」。他嗚咽說:「已經同嗰兩位朋友絕交,其中一個嘅屋企人仲走嚟鬧咗我一餐……」
林 要求公司退錢,但對方指一切皆屬他自願,「話我簽晒文件,又覺得喺度學到嘢,有得着先留低」。他試過兩次報警,但當值警員一次指『係走緊法律罅,報咗警都 告佢哋唔入』,另一次話『呢啲係私人糾紛,警方唔受理』」。林現時上學之餘,仍要兼職打工償還每月約2,980元的債項:「好後悔!希望拎得番筆錢。」
《蘋果》記者

全程錄音助檢控

【法律意見】
警方指去年首10個月共接獲20宗求職騙案舉報;一些公司會用高壓手法,令求職者自願付款參加訓練課程或購買療程,增加警方檢控難度。
大 律師陸偉雄指出,一般而言,如果求職者因相信一些虛假資料而付出金錢招致損失,則提供虛假資料的人或公司就需要負責任;不過,一間公司或一項業務的盈利經 營環境受不同客觀因素影響,當事人不能因公司最初承諾的盈利落空,而指該公司涉嫌詐騙。

「拉咗主腦都未必招認」

至於詐騙案的舉證,他指並不容易,除非當事人全程都有錄音,或有其他證據,否則「根據過往經驗,好多時警方即使拉咗主腦,佢哋都未必招認」;法庭會根據相 關文件及當事人的陳述來作推論基礎,以判斷事件是否有詐騙成份。
收集香港涉嫌騙案的網站HKJunkCall,負責人William指過去兩年網站共收到30多宗涉ENG投訴,他呼籲有需要協助人士可經電郵h2013@hkjunkcall.com聯絡他們。
《蘋果》記者

本網站修正聲明:本網站是關注合法的不良銷售手法或不合法騙案的網站,有關個案將交由不良銷售手法關注組跟進。重申以上內容是完整剪報,網站管理員並無作出內文修改,內容亦不能視為本網站或相關人等所寫及視為本網站及相關人等有相同立場。

成為第一個人讚好

Leave a Reply