【網友分享】(原文已被河蟹,現轉載) 朋友比人介紹去旺角一間叫 XXXX 做美容,價錢接近3萬蚊,大家有無去過呢間野?

Categories 未分類
55

我個朋友琴日夜晚whatsapp同我講,佢比個男網友介紹左去旺角一間叫 XXXX做美容,但呢個「所謂」既優惠價錢要接近3萬蚊,
而呢個美容療程係做Guinot美容,用機器做既,
但係要30天內比哂呢D,
我朋友之後正係比左訂金幾百蚊,
佢話間美容院同佢講,3日冷靜期,
即係今日比錢,之後決定唔做,都要後日(即第3)打番來美容院,可以退番你之前比左既錢,但過左第3日先打上去,就唔可以退錢
我朋友又心諗,就算之後決定都係唔做,
而間公司如果真係呃人,又唔肯退錢
都無咁蝕得咁金丫,
之後,番到去我朋友問家人同埋其他同事朋友(包括我),
都覺得太貴,貴得離譜,
人地其他美容院都有做機器GUINOT,
都無呢間咁貴,
呢間野貴得來,
仲要無得做一次比一次,
大家有無去過呢間野?


2016/2/19: 各位,有網友試過3日冷靜期係可以真係退款。
強烈建議要求退款時,堅持不要入房,在大堂處理,記住講嘢大聲一啲,大聲唔代表冇禮貌,可以好大聲咁好有禮貌講你的要求嘅。


2016/12/01
請尊重法律,唔好直接開公司名,公司有少少機會都可能係受害者,可能係D職員自己搵班馬夫帶客呢。
網站已收律師信,請大家幫幫手,唔好直接開公司名啦。
http://hkjunkcall.com/9394/56106584_20161201.pdf


2017/01/07
近期了解有關手法可能與美容院本身沒有關係,只是個別職員用中介以賺取更多佣金,美容院本身也可能是受害者,損害了聲譽,也損害了整個行業。我也向這些美容院呼籲,禁止職員用中介,現在不是受害者損害貴公司聲譽,個別自私的職員和這些中介才是始作俑者。禁得住一些帖文,也禁不住事實的發生。
網站再收律師信,話Prxtty Rexex 係講緊佢地。
http://hkjunkcall.com/9394/20170107a.pdf

成為第一個人讚好

55 thoughts on “【網友分享】(原文已被河蟹,現轉載) 朋友比人介紹去旺角一間叫 XXXX 做美容,價錢接近3萬蚊,大家有無去過呢間野?

    • 我都遇上呢個阿sam,係ecfriend扮識朋友,之後話約食飯做facial relax吓,當堂覺得奇怪,邊有男仔一出街就約人做facial架?後尾查翻佢講果間美容院,再睇到你地咁講,原來真係呃人,仲要好多人都中過招!佢話自己做marketing,中意夾band,睇怕全部都係大話,利用人地的真心去搵食,真係cheap到爆!Pretty Renew呢間已經改過幾次名,之前有blogger踢爆過,一間好的美容院又點會用呢D方法呃人上去?呃到咁上下就改名!大家要通知朋友,小心!

      • 我依幾日都有你所講既背景人士add我
        仲用Facebook!
        佢初初話你係係咪上星期music faction負責影相果個女仔?
        我話你認錯人啦
        佢話咁唔緊要
        當識個朋友
        之後交換左電話
        就傾左幾日
        就話約出黎食飯
        順便做個treatment
        之後發現唔對路
        果個人叫Warren Hui
        背景都係話自己做marketing,負責玩keyboard
        今日問佢去開邊頭做treament
        佢話港島區九龍新界都有
        之後講左P R
        我諗應該係大家所指個間

  1. 個男友是否叫sam chau同 tim tam,之前係skout識咗啲二條友女,之後係whatapp傾計,之後話佢地勃嘅時候會去做facial,仲話大家就到時間帶賣我上去,我同tim出街前一日美容院打來話我book咗明天2點,我之查詢佢邊間公司就是pretty denew,我就上網check,依間公司,見到你地寫,我就推咗阿tim,話唔去,佢就話美容院啲人好好,唔會sell野,仲好過教會啲人,仲話當我真心嘅。朋友先帶我去佢自己私人地方,但我都冇應成佢,多謝大家嘅分享。

    • 我都遇上呢個阿sam,係ecfriend扮識朋友,之後話約食飯做facial relax吓,當堂覺得奇怪,邊有男仔一出街就約人做facial架?後尾查翻佢講果間美容院,再睇到你地咁講,原來真係呃人,仲要好多人都中過招!佢話自己做marketing,中意夾band,睇怕全部都係大話,利用人地的真心去搵食,真係cheap到爆!Pretty Renew呢間已經改過幾次名,之前有blogger踢爆過,一間好的美容院又點會用呢D方法呃人上去?呃到咁上下就改名!大家要通知朋友,小心!

  2. 近排先由外國返香港,都有個男仔we chat add左我。開頭好似好好傾。第一次就約左去做facial. 做完仲唔小心分期左15000,仲有尾期7萬幾未俾。佢話有三日冷靜期。聽日最後一日啦。今日上去個顧問又放假,大家知唔知有咩辦法可以退錢?

  3. pertty renew經營手法極低劣。我昨日都中招,係社交app識左男仔(LOUCAS)(NG KWOK KEUNG),講左一陣可能熟左d,講下根住話屋企人有間做開treatment既鋪,幾有效,話下次帶我去試,我聽完就算。好快佢就約我見下面,咁我見同佢都算好傾咪出囉。跟住好似閒話家常咁,他說想RELAX下,一齊做FACIAL,話有優惠,很平的。其實我本身都有d興趣,咁就ok啦。佢給我基本FACIAL試做價880,本身以為這樣價錢,做出來效果應該會好些,原來同我做開300元一次的FACIAL相差不大,而且這間美容師手勢一般。之後,還SELL我$2xxxx。我說在其他公司做緊療未完,但仍然不停地SELL,但我沒有理會。到番到屋企我都係覺得怪怪地,我再上網看,原來這間公司的銷售手法十分有問題,很多大已經中過伏,大家識人真係要小心!

    • 我諗我已中招。請問有冇該男網友相?
      另外,三天冷靜期是堅嗎?
      我識個都係矮,名不是Sam。

    • 我最近都遇到一個這樣的人呢,網上交友平台識的,介紹我去那間pretty renew做推淋巴,結果我用250做了一個鐘,然後他和sales游說我買plan, 我最後堅持唔買,執番身彩。

  4. 依間pertty renew經營手法極低劣。 係whatapps 話 一齊做facial 可以輕鬆下, 上到去間野度,都無做就哄你買package。 網友們小心啲,佢地會同你食飯先,扮到好想同你做fd。食完飯仲要扮傻仔 ( 佢話自己叫sam) 唔比錢。 我咁就比佢厄左六十蚊碗湯河。 我本身都估到佢厄人。 但知唔到連食飯都咁乞衣。

  5. 我諗我都中招,又係社交app識左男仔,講左一陣可能熟左d佢就約我食飯見下面,咁我見同佢都算好傾咪出囉。跟住好似閒話家常咁,講講下就講我身材,根住話屋企人有間做開treatment(我5講咩treatment啦)既鋪,幾有效,話下次帶我去試,我聽完就算。點知返到家佢又問我星期x得5得閒,再食下飯,話約左間鋪個負責人俾我上去睇下岩5岩做。其實我本身都有d興趣,咁就ok啦。但出到黎食野,佢就係咁同我講間鋪點點點,其實我都覺係怪怪地,就問係咪續次俾,根住佢話5得,大鋪通常都一次過但可以分期。到上到去坐底傾,佢得2個plan俾我揀,成萬幾蚊,另一個$2xxxx.又話如果我手緊可以最多分4次俾,最後我先俾左$3000幾。到番到屋企我都係覺得怪怪地,我就再睇張細則,話30日內付清餘額,有3日冷靜期可以退款。我心諗點睇都係伏,諗住呢2日去退錢,大家識人真係要小心!

  6. 我都係一個受害者,有個男網友叫我add wechat,一開波就話自己鍾意輕鬆下,話做 collagen protection. 根住就約我去做facial,之後先再食飯,入到去個店員真係開支錄音筆同sale我做facial,我bu揀左做眼同面。要成$888,做完之後個男仔遊說我join plan, 我話要考慮。佢就係咁要我即刻決定。少啲都得。但手勢實在太HEA。消眼袋就咁搵支野碌下,fu 下野就得,我係其他美容院做冇咁簡單,仲要勁快做完!

    呢個男仔係wechat post 左好多同屋企人ge合照,好似好孝順咁,仲自稱係有錢仔,我一唔join連飯都無同我食。

    其後我係whatsapp同佢問佢係未係果到做。佢即刻反面

    希望其他網友小心d,唔好應承第一次見就叫你去做facial ge 男仔。

  7. 以上大家講果個男仔我剛遇到,又係社交網站識。po好多同屋企人去旅行又有車有樓勁乖仔咁。又係話約食飯然後去做叫”ice pole care”喎。到見面前一日佢都堅持要去美容院然後食飯,我覺得有古怪唔肯。佢
    就反面用無品港男方式鬧我。所以我都要在此分享一下

    希望聰明既女生不要被騙

  8. 我都係一個受害者,有個男網友無端端add我wechat,一開波就問我放工後想唔想輕鬆下,話做 collagen protection. 根住就約我去做facial,之後先再食飯,入到去個店員真係開支錄音筆同狂sale我做facial+treatment. 我budget有限所以先揀左做眼,做完之後個男仔遊說我join plan, 話一個真ge facial 係要1000幾蚊架啦,要我join個最平ge plan. 間野真係好呃人,消眼袋就咁搵支野碌下,fu 下野就得,我係其他美容院做冇咁簡單,仲要勁快做完!大家小心d

    呢個男仔係wechat post 左好多同屋企人ge合照,好似好孝順咁,仲自稱係有錢仔,但做完之後食飯要我俾,話冇錢喎。我見佢講到間野咁好就去試,但完全冇同我講過間野叫咩名,驚我上網查。我同佢一星期前就約好架啦,但到做嗰日前幾時鐘間野先打俾我 confirm.。聽到電話後我就上網查先知佢係呃人,我想打電話cancel個男仔唔俾,話我冇誠信同告我,所以先迫不得意上去。

    希望其他網友小心d,唔好應承第一次見就叫你去做facial ge 男仔。

  9. 係,佢用佐一年時間約我,我見放佢咁多次飛機咪出一次,而我亦取消佐佢替我Book的facial ,點知去到佢話佢替我Book返,而且3個鐘內沒取消要扣佢一次正價,死曬狗問我試做一次會唔會死,又用無數籍口,好老實我大過去,我亦唔鐘意啲細過我啲人,好啦心软見佢仔,可能生活有困難,但那刻我亦真的想打鑊金佢,之前話試做價300到去到588,我同佢話我有種比人老屈的感覺,佢話試一次啫,唔啱咪唔再做,現在回想,其實唔應該心軟,依種詐騙做法應該拉佐佢。

  10. 我也試過,佢係網上形象好似乖乖仔,佢用一年時間約我,好啦見放佢幾次飛機,又大街大行就出一次,但可能我樣惡,我未入美容院已經表明我唔做facial。但佢用各種藉口又話會扣佢錢,佢幫我Book佐位,又話自己係VIP好多年,見佢咁我衹做了一次$588,其實我已經想打鑊金佢,我直接同佢話我覺得我比人詭緊,佢話試做下,唔好咪無下次羅,好老實用啲咁低俗手段,依間好極有限,依個人之後唔敢再找我。

  11. 男子26歲,屬兔,12月6號生日,叫rex wong(黃域斯)經常在社交網站結識朋友,利用增進感情約不同既女仔或女士出去做facial,起初我自己都覺得奇怪,都驚係騙案。但我懷著一顆善良的心。認為如果真是騙案,希望能勸籲男子能回頭是案。結果都係勸籲唔都反倒比佢sale完facial仲sale讀英文 ,total無左成7萬蚊。其實幾萬元去足以可以去整容啦,做facial又洗麥咁貴呢,我要求退錢男子當日即出黎,同我講數。堅持唔肯,也不讓我告訴屋企人知,其實咁大筆數,我起能比屋企人知呢。但我同朋友訴苦既時候,朋友揭穿此網友係集團式sale,不斷再社交網站或呃取自己同事或朋友之間既友誼,不斷sale人去做facial加讀英文course,更加聲稱自己開舖做生意屋企有錢,自己係有錢仔,做playgroup的,經常影自己同屋企去食飯同去旅行相,型象孝順。

  12. 係真有其事,我早日親身經歷過。個男子在網上經常post 同親戚家人的照片,形象孝順。當日那男子本來是約晚飯的,但説想放工後軽鬆下,不如先去做facial. 雖然有點騎呢,但我本身也是經朋友介紹幫襯了一間名牌美容店做咗3年facial, 心想就當是嘗試一下其他美容店。
    到達pretty rexex時,見到唔少客人,當中有幾個是男的,不知是客人還是帶朋友來的。那男子説美容店是他的死黨開的,所以當美容顧問同我作皮膚分析同推介facial 時他也在塲。奇怪在未開始時美容顧問已攞個錄音機話要錄音我地所有對話。當晚facial試做價$888。美容師可算是細心,但手勢就只是一般,針清只做鼻,呢點已經唔合格。
    做完facial , 店員帶我去番同一間房,那位男子已在等我。他問我感覺如何又不停游說我join plan 試下。佢知我已有固定美容店做facial, 就話佢自己都同時幫襯3間美容店,一間做補濕,一間做磨砂,一間做body. 佢一星期會做一至兩次facial!
    佢同美容顧問同我講咗45分鐘,由開頭游說我join 30 次嘅plan(接近$30000)到後尾10次我都不為所動,因為覺得這美容店唔值這價錢。最後一招是叫我原價再試做3次,如果效果好,就轉返30次個plan。
    因為已經俾佢地飢餓轟炸咗45分鐘,已到了我極限,我發難說今晚堅決唔會join 任何plan, 要立刻走人,佢地先放我走。如果唔發難,都幾難走得到。

    • 係真有此事!你唔肯買格仔就話你來呃試做!我話我唔想買係咪唔得,就話惡死冇禮貌,好醜樣!我話我唔舒服唔想咁快決定係咪唔得?就收左佢皮

      • 總之,pretty renew依間野要小心,銷售員係skout同wechat等等社交網同人增進感情後,叫人去做skin care relax下!條友叫cyrus leung / Tung Leung, 社交網叫cyrus leung, pretty renew個名叫Tung Leung! Sale完facial又sale英文班,英文班在信和中心!

        • 我之前都有收過一個男網友嘅message,問我有冇興趣試做facial,我放左佢兩次飛機,之後佢都仲有搵我,扮到好care我咁,我覺得佢怪怪地,佢又係話自己係果度做facial,經歷同姐妹們有八成相似,而且都係pertty renew,呢間嘢啲銷售手法勁有問題!!!

Leave a Reply