【網友分享】(原文已被河蟹，現轉載) 朋友比人介紹去旺角一間叫 XXXX 做美容,價錢接近3萬蚊,大家有無去過呢間野?

Author管理員
Categories 未分類
66

我個朋友琴日夜晚whatsapp同我講,佢比個男網友介紹左去旺角一間叫 XXXX做美容,但呢個「所謂」既優惠價錢要接近3萬蚊,
而呢個美容療程係做Guinot美容,用機器做既,
但係要30天內比哂呢D錢,
我朋友之後正係比左訂金幾百蚊,
佢話間美容院同佢講,有3日冷靜期,
即係今日比錢,之後決定唔做,都要後日(即第3日)打番來美容院,可以退番你之前比左既錢,但過左第3日先打上去,就唔可以退錢
我朋友又心諗,就算之後決定都係唔做,
而間公司如果真係呃人,又唔肯退錢
都無咁蝕得咁金丫,
之後,番到去我朋友問家人同埋其他同事朋友(包括我),
都覺得太貴,貴得離譜,
人地其他美容院都有做機器GUINOT,
都無呢間咁貴,
呢間野貴得來,
仲要無得做一次比一次,
大家有無去過呢間野?

2016/2/19: 各位，有網友試過3日冷靜期係可以真係退款。
強烈建議要求退款時，堅持不要入房，在大堂處理，記住講嘢大聲一啲，大聲唔代表冇禮貌，可以好大聲咁好有禮貌講你的要求嘅。

2016/12/01
請尊重法律，唔好直接開公司名，公司有少少機會都可能係受害者，可能係D職員自己搵班馬夫帶客呢。
網站已收律師信，請大家幫幫手，唔好直接開公司名啦。
http://hkjunkcall.com/9394/56106584_20161201.pdf

2017/01/07
近期了解有關手法可能與美容院本身沒有關係，只是個別職員用中介以賺取更多佣金，美容院本身也可能是受害者，損害了聲譽，也損害了整個行業。我也向這些美容院呼籲，禁止職員用中介，現在不是受害者損害貴公司聲譽，個別自私的職員和這些中介才是始作俑者。禁得住一些帖文，也禁不住事實的發生。
網站再收律師信，話Prxtty Rexex 係講緊佢地。
http://hkjunkcall.com/9394/20170107a.pdf

成為第一個人讚好

取消讚好

66 thoughts on “【網友分享】(原文已被河蟹，現轉載) 朋友比人介紹去旺角一間叫 XXXX 做美容,價錢接近3萬蚊,大家有無去過呢間野?”

  5. FB_148670019458381 on

    IMH Beauty 旺角山東街38號38廣場5樓全層
    事情經過係咁既，佢係交友apps主動add我，傾左一個星期左右，佢約我出黎見面，反正無聊，咪見囉!
    約出黎前一日佢就話想帶我去做魚致facial放鬆下，咁我返工又真係好攰， 咁咪應承佢囉，坦白講，佢自稱係台灣人，話自己做平面設計，又鍾意小動物，表現得好有愛心，鍾意打籃球，閑時會同朋友出海，形象健康又陽光，佢話自己無乜朋友，只有一個好兄弟，因為一次車禍離開左，所以佢代呢個好兄弟照顧住係元朗嘅媽媽(佢契媽)，又話著重心靈交流，唔睇表面，我係一個生得好普通嘅女仔；而且佢又住係旺角既私人樓，字裡行間表達到自己好有錢，我當然就覺得佢係我嘅理想對象啦！！
    到了見面當日，佢約左我係朗豪坊UA戲院地下見面，之後仲同我去pacific coffee飲杯野，又再講返佢自己無乜朋友，扮好想了解我，表現得好關心我咁，又重新再講魚致facial有幾好，一飲完野(半個鐘左右)就話帶我上去佢去做開facial果間美容院。
    一到美容院(I.M.H Beauty)，佢就同Reception果位小姐打招呼，表現熟絡，並介紹我係佢朋友，之後就帶左我入一個顧問房，隨即有位顧問小姐就同我講解我今日上黎係做d乜，講完之後就叫我比錢試做，收費$2388，仲話呢個試做價已經係佢本人嘅VIP優惠，原價5千幾元。我比完錢之後就入左房做facial喇，一邊做facial，一邊個美容師仲同我講話佢第一次帶女仔上黎，又讚佢係好仔，又有錢，問我係咪佢女朋友，仲話我識到佢係我福氣！我當時都真係以為自己咁幸運，遇到真命天子！
    當做完果次試做，顧問果位姐姐同佢一齊黎sell我一個package，60次共$8xxxx，我當然覺得好貴啦，跟住佢地就話我呢個所謂男朋友都有join package，繼續遊說我一同參加，可以陪我男朋友再一齊上黎做facial，我依然覺得60次真係好多同好貴，繼而我拒絕，顧問姐姐就sell我叫join 40次，40次對我黎講都係好多啦，期間佢又同我講，佢話佢第一次帶女仔上黎，如果我唔join，攪到佢好無面，留左我係個房度，叫我思考我嘅人生；佢又話對我好好，今日故意推晒手頭上嘅工作出黎陪我，為我付出左好多，又話從來無對過一個人咁好，又話無試同人有心的交流，唯一果個係我，我聽到佢講到咁，我最後就比左$6xxxx，佢先肯同我走，之後同我去左附近餐廳食飯，佢仲同我講叫我多謝佢帶我去左一間咁好嘅美容院，仲話會多D陪我去，以後大家有個伴，飯後佢話公司有急事，就各自離開。
    自果次之後，我再同佢聯絡，佢對我好冷淡，遲遲都無回應，只係問我下次幾時再上去做facial；當我再上去美容院，佢又同個顧問姐姐一齊叫我再買其他療程，我開始覺得奇怪，點解每次上黎都要再買療程，但係佢極力遊說之下，我又再比左$3xxxx去買。
    我帶住懷疑嘅心態同我d朋友傾開，先知道原來網上有一班美容騙子，專門用呢d 高壓手法去推銷美容療程，枉我仲以為佢係我真命天子。我揾左私家偵探，發現佢真係一個騙子，而且仲係一個騙子集團，幕後由老闆(騙子主腦)操縱，姊妹們小心!

  7. Fung Yee on

    我之前在wachat識了一個叫啊力的男人!33歲他說做替公司提供客戶服務,在網上說自己单親有車,聊天了幾日便约出来,說一出来便一定要去做facal,和遲到半個鍾,做完出本便很洛力叫我買療程,我不買便走了

  8. Ling on

    男子 mac j– w–, jack 67692xxx wechat識扮FD 初初係wechat好多野講又拎埋whatapps 隔左一排約出黎推油及食飯 當日食飯佢講野果時都有懷疑佢講野唔老實 又講到自己好勤力 之後去pretty rxxxx推油 做完之後入房 我安排坐係佢同個職員中間 其間佢同職員不停sales我簽course 我最終冇簽走左! 之後係whatapps愈黎愈少野講 後尾我搵到佢facebook 其中一個fb得張相而另外一個facebook係佢用開 發覺佢講大話! 佢wechat同佢fb講野完全兩個人 wechat扮到自己係一個重親情 孝順仔 上進的人!

  9. Shanshan on

    如果唔系親身經歷過，我都唔會信，本人同carmen經歷相似，2016年8月被lucas ng kwok keung多次游說去做facial，最後俾美容顧問mandy同lucas ng硬銷呃佐一萬五千買佐200格格仔plan,仲要俾同一公司其他美容顧問話無用，萬幾蚊拿來relax
    想去報警，想問下大家有無去報警？有用嗎？

    • Shanshan on

      冷静期上去退錢被游說，我無退到，唸住做埋算了，後尾做多佐3次facial,發現間公司真係好有問題，件事到宜家已經3個月，去報警有用嗎？

  10. Samantha on

    我昨晚遇到位黃禮平，Yeezy Wong.
    Fb messager傾到佢問我拎wechat，傾過幾天，佢就約我外出。約昨天晚上，早上收到佢訊息話去轆臉，我之前聽過，即拒絕，佢打比我話我仲講左句粗口。基於有些地方疑似可信，最後佢道歉加話食飯飲野我答應出。但出到去佢就叫我做臉，我確定堅決：唔去！佢不停講唔會食飯咁dry…我已book左…唔做臉咁出黎做乜…我都係同一句：唔去。最後佢話：當就下我得唔得！我話：唔得。佢拂袖而去，激動+憤怒。我一點都無唔開心，只係覺得點解會用人心去呃人，香港人唔信人絕對係有原有因。
    綜合：
    （1）佢地會話fb messager收得唔好/唔方便轉拎wechat（我相信令大家睇到啲所以良性相，增加吸引既背景）
    （2）都係話屋企點樣有啲問題或意外，自己抽多啲時間在家，營造一個乖仔形象
    （3）訢說自己事業都唔錯，but無真心朋友/無時間識朋友，所以未必成日覆到你。而且唔係有需要唔會聽你電話。但佢有需要會打比你
    （4）約你見面在銅鑼灣時代廣場附近，近美容院地頭，你講乜佢都約你去果區（老手可能不同，幾次順你意後先行動）
    （5）話自己番教會，博乖仔形象。
    （6）通訊既wechat，電話，whatsapp唔係同一個電話，應該多卡在手。
    （7）會話自己嗜好煮野食，甜品，想另一半開心，加強你心裡的分數
    （8）美容院NEOskin係新名，應該唔止一間。
    （9）留意相片會發覺有啲唔合理，前一天拍照，一天後見面大左個碼，講都無人信。
    係我小許綜合，各位姐妹小心～
    PS：事後佢wechat block左我，但我堅持打番段感受同忠告比佢fb messager讓佢知。

  11. 銘 on

    我都有個男仔Facebook add 左我， 諗住真只係傾下計，又話自己放假會出去做義工，又鍾意同家人活動，之後WeChat 又放左好多以為自己好型架相，之後就話出來活動下，佢只係話去靚d架cafe 飲下野，咩之後做贊臣，我狂問佢係咩來佢先話係做機，佢又話300-400到唔sale 人 ，講到好似好真，出到來好似好好傾噤咪上去，真係超貴，咪陪下玩下，真係狂sale 我話番屋企諗下，佢話個packetage 減5次，我又太耐無做唔知價，就好蠢地無左好多血汗錢…我發現果男仔有問題時已太遲…
    唔好再俾我見到個男仔！

  12. Marco on

    我之前都遇到有個女仔都係咁，又係喺FB話add錯friend，之後就問可以加朋友嗎?之後又係想約你出來食飯同做treatment,睇來又係不良手法。
    資料如下：
    FB: Tszki Yan
    Tel: 65373721

  13. TinGs TinGs on

    唉！我都賴左野，係交友app到識一個叫joespi ，之後又係pertty rexxw! 開頭john 左7萬幾，之後3同冷靜期內退6萬幾，佢地連最basic 既通淋巴都五放過，五俾我走，最後都要擺低21000! 唯有拎完退款果21000當鬼掩眼無左(分期36@687)一個月，一拎完張退票6萬幾我以後五再上去

  14. Kitty on

    我最近有一個男網友係fd加我好友，之後話本來係加舊同事，點知加錯之後就問我可唔可以做朋友，又話揾日出下街食飯，一齊去做facial，今日約左出黎之後4點到就帶左我去㕵角雅蘭中心pretty Renen，之後就比左千三蚊後就有人同你做療程

  15. BoBo on

    哩個Sam Chou真系勁賤，人渣，扮系城大畢業，呃我細佬上去做facial，系咁叫距簽乜簽乜。各位姐妹一定要小心提防，發現d咁嘅人渣借頭借路想呃你落沓，唔使理一於媽x距。

  16. Emily on

    我都中左招, 同樣的手法，係Facebook 廣告download左個交友apps(SweetRing).跟住有d男仔傾解
    佢哋會話佢地好少玩少呢個apps之後問你拿whatsapp 或 Wechat, 平時傾解佢地會話比你知佢地好考順成日陪屋企人，經常send同家人的照片，形象孝順。令你覺得佢係好人，跟住會講佢地返工好大壓力啊有時會去做下facial, 問你平時有無做開facial, 穩日一齊去做。有一個我問佢果間美容院叫咩名，佢點都唔肯講之後就無同我聯絡。
    另一個的招數就比較高明D，開頭話約你出來食飯傾解，跟著就話佢同朋友一齊開公司好大壓力的好攰想去做下facial, 呢個比較花言巧語D，我都係抱有懷疑的心去見佢，見面之後佢就係甘講佢係真心想識D真正的朋友話佢無咩朋友，講埋佢家庭背景卑我知，話認我做妺，跟著帶左我去果間美容院開始游說我，話如果陣間試左ok的就join, 甘以後我地可以一齊來做。我話試左先啦，入去間美容院已經覺得好唔妥，但我驚如果我即刻走唔試佢地唔知會對我做D咩，一個好普通的facial收我試做價hk$880, 做完之後叫我左入去間房坐個男的就問我join唔join, 我話唔join了。跟著佢係出左去reception，傾左好耐，當我出去湛水飲，佢就好緊張叫返我入返去房， 跟著我特登係佢面前傾電話，佢見我玩whatsapp就搶左我電話睇我的whatsapp, 之後我搶返，跟著佢話佢之前同我傾開的wechat佢好少用，拿左我手機del.左果個AC,幫我add佢第二個AC. 個美容顧問卑返收據我就走啦，佢之後話你都唔join啦掉左張收據，話幫我掉，我唔肯掉，跟著同我講佢來緊生日叫我送禮物卑佢，佢暗示佢部手機壞壞地叫我送手機，我見佢係有2部手機的。我唔肯，佢就叫我同佢去H&m送幾件褸佢，我就襯機溜走左，佢發現Wechat 鬧我。佢講野好有問題，大話連篇。還話佢係澳洲讀大學，一聽佢講野就覺得唔係啦，似D無文化好無懶的賤男。
    名 : Wong Ki Cheong (王陽明)
    電話 : 9188 09xx /9680 30xx
    WeChat ID : GBR55273xx6
    美容院: Pretty Rexex(登打士街栢裕中心)

  17. Tam Kitty on

    我係Tinder上面識咗一個男仔佢個名叫JOE
    係認識佢個段時間佢話佢都成日帶佢媽咪做facial
    佢又扮孝順扮有車揸扮有錢又話會成日陪屋企人請屋企人做facial

    佢約左我出嚟食lunch之後仲要自己冇帶錢我要請埋佢食
    食完之後佢就帶咗我去pretty rexex做通淋巴
    做一個通淋巴嘅療程係$250之後佢再同埋個sales不停咁遊說我買套票
    之後我都買咗
    買完過咗一陣我同佢講話我覺得間野有啲問題佢就話係間鋪頭被人中傷
    之後我都係信唔過佢 返到屋企不停咁search就發現中伏啦
    第日即刻去退錢 個鋪頭話會幫我取消個免息分期 (我聽日會打去銀行double check)

    其實大家都係搵食啫使唔使要咁樣呃人 真係好冇良心

    佢個名係JOE (mobile: 91079254)
    希望大家唔會中伏啦!!!

    (我有佢tinder啲相, 可以send 比你地)
    大家要小心啊!!!

    • Ako on

      我都係俾一個叫JO 的人係fb 度add, 傾左陣就話不如約出黎食飯, 然後就話做facial, 我不佢係去邊間, 佢話係PR, 然後係咁叫我信佢, 唔會屈數。好彩無耳仔軟, 無跟佢上去。

      如果係同一個人, 佢電話應該改左, 係6字頭的!!

      各位sis 要小心

  18. Fung on

    想問甘多位sis 我都中左招
    但我而經上去搞左退款 攞左個張紙
    佢話一個月後會叫我上去攞返張支票 是否很定會退得返錢

    • Agnes on

      我有个朋友都一樣樣…我聽到都嬲…一聽就知道有問題…佢話去到每个女仔身邊都會有個男仔跟出跟入（狗一樣的）…但並不是一个專業既狗囉…..想人…唔該唔好一味sales美容有咩好…講其他野就好似想死想死咁…都係果句*騙徒手法層出不窮*真係冇陰公*，而家美容公司真係需要做到咁先有錢賺咩？

  19. YanYan on

    大家，我都中左伏，就0係1個月前0係facebook 有個叫Wayne Eli 既男仔同我講野，開頭話自己做義工想問我有咩地方影相靚，跟住就開始傾計，都覺得好好傾。 好快佢就約我出黎見，見面就好不經意咁話佢成日帶亞媽去一間野做通淋巴，又唔hard sell,都係2百幾蚊一次。 話下次帶埋我，我完全無諗過係伏。 上到果到先知間野叫pretty renew. 講真試做個通淋巴係舒服既，但佢跟住就要我買500格，1格98蚊，我話我根本無錢，佢就話最少買200格。。即刻要我俾訂。。我話我想做一次，俾一次，佢就話單次要490蚊 。 我為左想走，就俾左500訂， 0係3日冷靜期內打電話上去申請退款，個男仔知我唔科水，即刻無再同我講野 ，我都覺得要share 下佢俾人知。。 佢fb name 叫wayne Eli. 矮仔，四眼

  20. 管理員 on

    各位，有網友試過3日冷靜期係可以真係退款。
    強烈建議要求退款時，堅持不要入房，在大堂處理，記住講嘢大聲一啲，大聲唔代表冇禮貌，可以好大聲咁好有禮貌講你的要求嘅。

發佈留言