雲星顧問 ENG COM 教育層壓式傳銷

傳銷不是犯法,有關公司在未被法庭判決前都不算犯法,都係合法生意
>>只是唔知做乜有好多人走出來話被騙…

其他本網站資訊:http://hkjunkcall.com/wp/category/unfair_practices/pyramidscheme

如有市民需要求助,請電郵至 h2013@hkjunkcall.com 希望可以一起商討對策

也請留意蘋果日報剪報

有網友指2012年個名好似又改了,叫做 雲星顧問

所以讓大家知多一些,在上去聽超長講座前了解多一些吧。

在選擇有關服務時要多了解課程是否物有所值,也要了解清楚當中的運作。

以下是有網友經歷~(於2012-8-23)

以下是簡短版,另有詳盡版

最近,我透過朋友介紹去左一間位於旺角道1號(唔記得11樓定17樓), 叫雲星顧問既公司度INTERVIEW同埋上TRAINING COURSE。咁係我去完INTERVIEW同埋上左TRAINING COURSES之後就覺得好奇怪, 於是去問我既同學同埋上網搵下D資料睇。結果,比我係一個反層壓式既GROUP入面見到間公司入面既員工既照片, 所以就係度分享返, 希望其他人都唔好中招。[註]我朋友話佢做左都幾耐,所以D間公司可能改左名都幾耐。

1. 公司環境: 簡陋、只有枱枱凳凳、冇枱機, 但可能有手提電腦、嘈吵
2. 公司人士: 人多、穿著西裝、除左帶組同介紹人外,其他人基本上無所事事
3. 公司業務: 升學進修及美容
-升學進修 (聲稱代理海外澳洲升學)
-美容 (聲稱代理”變x D”、”DR. REXXXX”同”DR.PRXX”等美容公司)
4. 面試情況: 簡介公司業務、唔會話請你,但會話比你上TRAINING COURSES、唔會講人工
5. 課程流程: 小組形式進行,每組有1個組長,組長會不斷邀請其他經理黎分享,之後會有講座
6. 經理分享: 主要介紹自己如何入職、如何抓緊機會係D個平台度賺大錢同埋SHOW OFF
7. 介紹人: 介紹你入黎既人會企係你後面, PUSH你積極參加會後會去爭取表現,同埋抄筆記(佢地會CHECK你), 以及對講者既說話不斷表示認同和讚嘆
8. 所有員工: 在會場內既員工對於其他經理既背景和薪金等情況都十分熟悉,背誦如流
9. 公司文化: 佢地有一套公司文化, 每次邀請其他經理出黎時, 都會好似FANS見明星咁, 不斷呼叫佢既名
10. 公司試圖洗你腦既部份論點/手法:
– 要成為咩人, 先要跟咩人一齊, 而舊有既朋友會拉住你。
[個人解讀]:等你泥足深陷,比人阻止都堅信不移。

– 遇到唔明既事, 你會問朋友或者上網求證, 但佢地未必信得過。
[個人解讀]: D點我認同, 所以批判思維先咁重要。佢地目的想你忽視網上面既勸告。
一個人或者會呃你, 但當一大班唔同既人係唔同既地方, 都講同一番說話, 同埋持之以恆
咁去從事反洗腦既工作時, 又信唔信得過呢?

– 進行抹黑係每任一間公司同人都識做既事。
[個人解讀]: 佢地目的都係想你忽視網上面既勸告。等你認為網上面講既野,係敵對公司所
進行既抹黑工作。

– 強調”專業性”,不斷阻止你,甚至教你講大話去呃人,等人地唔知你接受緊D咩訓練。
[個人解讀]: 佢地既目的係希望係你被未完全洗腦前,阻止任何既力量帶你離開魔窟。我自己雖然工作經驗唔多, 但都未試過有次係要求我唔好同家人講做D咩, 同埋自己都唔可以好具體咁講自己係要做D咩。

– 強調脫胎換骨同埋賺大錢。
[個人解讀]: D份工可以令自己煥然一新, 面對任何人都可以對答如流, 唔怕有悶場, 成為 有魅力既人; 以及可以賺到大錢, 唔洗做樓奴, 要咩有咩。 的確係命中依家所有既人既心聲, 我相信部份工作的確可以令人改變, 但依靠呃人去改變自己成為魔鬼,冇晒朋友,而你上司就食左你付出沈重代價後既絕大部份成果, 又係咪值得呢? 至於賺大錢, 錢係賺到, 但眾叛親離, 神憎鬼厭, 你又想唔想???

– 強調D度係提供機會比你既地方,而D個機會又好少有。
[個人解讀]: 希望抓住你既心理, 等你唔會輕易放棄D個咁”珍貴同重要”既機會。至於令你成為魔鬼, 人見人怕, 見到你好似過街老鼠咁既機會, 你自己又想唔想去抓緊同埋珍惜呢???

– 朋友完全唔覺有問題,不斷PUSH你去上堂。
[個人解讀]: 我自己認為佢地未必係有心去害你, 有D甚至可能真係出於真心想幫朋友。可惜, 佢地已經被洗腦, 所以佢地係合理化左自己既行為。雖然好無奈, 但我覺得自認口才唔係太叻既人,最好既方法係斷絕同佢地既聯絡。要記著:要救左自己,先可以去救人地。而如果真係救唔到你既朋友出火海,亦都希望其他清醒既人可以繼續將D間公司既最新動向,分享出黎, 阻止其他人跌落火海。

– 公司會不斷改名,甚至搬地址, 試圖令你搵唔到佢地之前既惡行, 繼續令人中招

<另有詳盡版>

2 thoughts on “雲星顧問 ENG COM 教育層壓式傳銷

Leave a Reply