講得出你全名、身分證同地址都唔一定係真！

【🚨 講得出你全名、身分證同地址都唔一定係真！留意「假收數」騙局】

最近有唔少騙徒手上揸住大量市民嘅詳細資料，連你嘅全名、身分證號碼同地址都有！

佢哋會打嚟，好順口咁讀出你啲資料，扮收數公司話你爭人錢，甚至用語音凶你，等你驚得滯乖乖地過數去佢哋戶口。

HKJunkCall 提提大家，收到呢類電話要冷靜：

👉 資料外洩好普遍： 騙徒讀得出你全名同身分證，可能只係買咗啲外洩嘅數據，絕對唔代表佢真係收數佬。

👉 唔對路就即刻收線： 聽到有可疑，唔使同佢撐或者辯論，最安全就係即刻 cut 線。

👉 自己去核實： 如果真係驚自己有數未清，自己上網搵返嗰間機構嘅官方熱線，親自打過去問清楚。

👉 遇上「真收數」點算： 萬一對方係真嘅收數公司，但你明明冇欠債，或者懷疑自己個電話或地址被盜用，可以先直接同對方解釋清楚，有需要就考慮去警署求助同備案。

👉 安裝攔截 App 保平安： 裝返個來電攔截 App，幫你自動過濾有可疑嘅詐騙電話，減少受滋擾嘅機會。

🚨 最後，遇到呢類電話，請即時上 HKJunkCall 網站或 App 「舉報」！大家只要按你嘅情況提供內容便可。

你嘅一個簡單舉報，隨時幫到下一個受害者！