【管理員的話】 少少建議, 八達通洩露個人私隱的對策 (by Kenneth)
少少建議, 八達通洩露個人私隱的對策:
取消所有附有個人資料的八達通卡 –
1) 取消所有 “個人八達通” (機場職員等特別身份就暫時冇辦法, 但建議該卡只用於所屬用途, 另購一張卡日作常使用)
2) 退出 “八達通日日賞”, 取消關聯的八達通卡.
3) 取消自動增值服務. 因為自動增值的卡一定會有埋個人身份, 八達通公司亦會有你既信用卡資料. 方便/私隱請自行取捨.
保障私隱的方法 –
1) 大家可以用 “租用版八達通” – $150. $50 按金 , $100 可用金額. 其實即係最 common 個隻 “成人八達通”, 各港鐵站有售, 不需登記.
2) 三個月後, 退卡, 再出新卡.
點解三個月呢? 因為如果新卡三個月內退回, 會扣 $7 手續費. 而不斷換卡則可以保持保障私隱, 免被跟蹤! 八達通公司今日洩露資料俾保險佬, 他朝難保…
