八方人物：網絡義士自資設網站 對抗推銷電話
(蘋果日報) 2010年08月07日
我阿媽唔係指摘我, 只係提下我, 我好鐘意我阿媽的!!!!
八達通出賣客戶個人資料醜聞，只是冰山一角，要對抗形形色色的推銷電話，小市民只有靠自己。 IT達人胡文翰化身網絡義士，收集資料，今年初自資成立網站 hkjunkcall.com，又在 facebook開設群組「廣告電話黑名單」，展開一場截擊戰。
曾被媽媽指摘斷人衣食
「 08年我開始收到錄音同短訊式嘅推銷電話，我當時就覺得好大鑊，咁落去唔得了。」本身是電腦程式編寫員的胡文翰指出，一部價值數千元電腦加上程式，便可以 無限重撥錄音電話，將來香港人隨時一日接幾十個推銷電話，觸發他上網起義。當時已經有網民整理推銷電話清單，胡文翰接手後在各個討論區發佈，繼續收集網民 報料。
雖然其後政府監管錄音推銷電話，但人肉推銷電話仍然無日無之，胡文翰收集資料越來越多，今年初自資成立網站 hkjunkcall.com，又在 facebook開設群組「廣告電話黑名單」，至今資料庫內有超過三萬組推銷電話號碼，對照不同公司名稱。幾位網民則義務編寫智能手機程式，對應 iPhone、 Android、 Windows Mobile等系統，可以攔截資料庫內所有推銷電話號碼，單是 iPhone的 junkcall程式已經有五萬人下載，成為本港 iPhone用家必裝程式。
不過「道高一尺，魔高一丈」，電話推銷公司為免電話號碼曝光後少了人接聽，因此經常都會轉換號碼繼續「搵食」，更加有公司電郵指胡文翰涉嫌誹謗，要求刪除 網站上資料。沒想到施壓的還包括胡文翰媽媽，他說：「阿媽話人哋都係搵食啫，我咁做係斷人衣食。」不過他反駁：「嗰啲會上我個網搵資料同下載程式嘅人，又 點會有幫襯？我咁做其實係幫緊啲推銷員，等佢哋慳番啖氣。」
事實上，胡文翰都做過電話推銷員的衣食父母，購買了一份金融產品，「我唔係反對電話推銷，我只係反對滋擾同不良銷售手法」。他舉例：「有啲你明明話唔要， 佢仲係咁打嚟；有啲又話如果唔幫襯佢會俾人炒。試過有個打嚟話係中大打嚟做調查，其實只係一間同音字嘅推銷公司，你問佢係咪中文大學，佢唔敢答你 o架。」
繼續集合網民力量對抗
總結多年抗戰經驗，胡文翰認為現時以財務、美容瘦身和旅遊會籍等幾類公司最蠱惑和「乞人憎」，市民應該如何應對呢？他教路：「千祈唔好嬲，你已經俾佢浪費 咗時間同金錢，如果影響埋情緒，其實好蝕底，你可以選擇收線，不過最好係套取對方多啲資料，然後上網話畀其他人聽，等大家都有防範。」
胡文翰認為電話推銷公司毫無節制，最終會自食其果，他說：「當人人都有戒心，你都唔會做到生意。」他希望將來政府以發牌制度監管電話推銷公司，在這一天來到前，他會繼續集合網民力量，對抗推銷電話。
胡文翰心願是終有一日香港人不再受推銷電話滋擾，可以關閉網站功成身退。
記者 林浚川
