猜猜我係邊個？內容有點不雅，敬請原諒。
尋日一日之內，接到兩個電話，香港几百萬手機用戶，偏偏選中我？六合彩又唔見我中，唉。
第一個有來電顯示，+86137xxxxxxxx，接通後，
對方頭一句就問：在忙乜呀？
我：你係邊位？
對方：你唔知我係邊個？
我當時聽到對方口音應是廣東人，但不是用廣州話為母語。心想，唔係咁中呀？
我：呵，屎坑松嘛，好耐無見播，而家係邊呀？
對方：係呀，我就係屎坑松啊，而家係深圳。
我：係深圳？乜你唔係坐緊監，應該仲有六七年先放得出來播，
對方： ….. 兩秒無出聲之後收線。
第二個無來電顯示，祇有未知電話號碼几個字。
對方：喂，食左未呀？
我：邊位？
對方：哈哈，你想唔起我係邊個呀？
我刻意停几秒後：呵，你係唔係後欄華呀？
對方：哈，醒目，一聽就聽得出。
我：係邊呀？個電話無顯示播，玩乜呀？
對方：呵，我而家係東莞，
我：哈哈，係東莞？上去玩呀？
對方：唉，唔好彩啦，
我：做乜呀？唔好彩？乜事呀？
對方：我而家係東莞被公安拉左，
我：被公安拉？為乜咁大鑊呀？
對方：唉、叫雞囉，尋晚拉的啦，而家先被我打電話返香港，問親戚朋友借錢，
我：哈哈，你係唔係後欄華先？
對方：係呀，我咪係後欄華囉，
我：係人都知你鐘意被人行後欄的啦，點會叫雞呀？
我跟住用了二十四個字的問候語問候對方娘親。
對方：……………..几秒後收線。
