GM+ 顧客經驗(2012年8月)

0

一位網友於2012年8月初電郵給網主求助,經過一些了解和提供意見後,網友決定上去GM+接受服務,並向網主回報了。

2012年8月初,收到網友指在街上收到GM+的推銷電話,在一大堆資訊塞埋來,就比左信用卡號碼佢即時過數,金額過萬。網主都提供了一些意見,之後網友沒有回覆,網主數日後跟進時,網友表示選擇了接受服務,並回覆了親身經驗,在網友同意下網主可以發佈,但為保護網友的利益和安全,部份內容或數字會作修改或註釋,原文已經另作儲存,有關經驗可能為個別事件,全為事實但不能視為事實之全部。

最後我選擇左做是次服務。

前幾日去左一次facial,間美容院既服務同美容師既手勢係不錯的,但都有sell 加$6xx upgrade 服務 。
正如你所講,海鮮價,我冇upgrade 到服務,但最後同我講要扣兩個格仔,因為手同機各佔一格,呢點我感覺唔太好,因為唔大早講清楚。
做完個facial 後,有個consultant 帶左我入間房仔再sell,話而家呢d只係體驗facial,叫我將d格仔轉移做d治療性既facial,扣左而家d格仔之後,仲要再補錢,我當然唔肯啦,之後佢都肯放我走。
但言語間,個consultant /美容師同我既對話,佢地係知我由電話買呢d 格仔,買左幾多幾錢。
講到尾,你話係咪真係叫你做評審,我覺得係假架囉。
都係個句,睇到真相係,做評審只係表面既手法,叫你買左一堆服務(講到幾咁好,係至top既facial)
但最後,上到去原來話只係基本體驗,之後再叫你加錢/ 轉移d更好既,務求你盡快完曬之前買所謂好抵既格仔。
一次扣幾格,跟本就同平時其他公司o個d價錢係一樣。
就呢次扣幾格既事件,我問番電話marketing 個邊,佢話會跟進番。
我問佢,其實間美容院係咪知我係評審,因為都知我既資料、買左幾多幾錢。
佢先答︰美容院係知公司會定期派人check 佢地,但就唔知邊個,所以會chok 料睇下係咪我。
總知,我既結論係,呢個行銷手法真係好有問題!
你覺得好抵,但其實計番落唔係囉。
而家我唯一可以做,就係用完佢呢 xxx次就算,唔好比佢再sell 到!

網主總結:

● GM+的確有提供美容服務;
✘部份服務需要付費升級;
✘所謂多少次美容只是多少個格仔,每種療程要用一個格仔,即一次美容服務做幾個療程便要多個格仔;
✘電話推銷都都是基本體驗服務,沒錯,佢同你推銷一次過買幾十至幾百次的推驗服務,要加錢才能轉更好的服務;
●服務後有顧問提供意見和推銷;
? 美容院知道顧客是誰
? GM+話美容院係知公司會定期派人Check佢地

成為第一個人讚好

發佈留言