【管理員的話】公司收到的 疑似詐騙 Cold Call (by Kenneth)
剛剛係公司收到一個自稱 “我叫 Susan, 係 Raymond Wong 秘書” 既電話. “我老闆 Raymond 同你地老細 xxxxxx 好熟架, 佢手上有幾本雜誌想送俾你地睇下, 好 urgent 架. 你盡快俾你公司個地址我啦! 你全名係咩? 你地老闆 xxxxxx Direct Line 係乜? 你 Direct Line 呢? 你咩 title? 你地部門其他同事呢? 佢地咩名? 你地部門有冇 Programmer 架? 叫乜名?”
對方一論咀, 我已經知道不妙. 如果佢老闆真係同我老闆好熟, 點解佢地唔直接對話呢? 仲要問 Direct Line? 真係咁熟既, 莫講話 Direct Line, 打去佢屋企都得啦.
“咁小姐你叫乜名? 公司名? IT 同事出晒去做野, 我負責聽電話架咋.” 好難先問到對方公司名叫 Rexford Limited (其實都唔知係咪真), 個阿姐又重複以上問題.
“佢地全部出晒去做野喎! 你咁 urgent, 我幫你留個 message 等佢地番黎即刻就通知佢地啦~ 你留個電話俾我啦.” 一問電話, 對方就即刻 cut 線…
原來對方先打 Reception 要求講公司 IT Manager 姓名, IT Department 所有同事姓名職位. 由於 Reception 妹妹社會經驗不足, 無力招架. 唔小心就講左我地老闆個名俾佢知.
不過都情有可原既, 原來 Reception 妹妹已經被呢位阿姐纏繞左整個上午… 而呢位阿姐又遇著我, 真係唔好彩!
P.S. 無來電顯示.
